ಶ್ರಿಶ್ರೀಮದ್ವಿಜಯೀಂದ್ರ ತೀರ್ಥ
ಗುರುವರ್ಯ ಸ್ತೋತ್ರಂ
*********
ಶ್ರೀಮಧ್ವಜಯರಾಜೇಂದ್ರ
ವಿಬುಧೇಂದ್ರಾರ್ಯ ವಂಶಜಮ್ ।
ಸುರೇಂದ್ರ ಕರ ಸಂಜಾತಂ
ವಿಜಯೀ೦ದ್ರ ಗುರುಂಭಜೇ ।।
ನಯೇ ಶಬ್ಧಮಯೇ ಪೂರ್ವನಯೇ
ವೇದ ಶಿರಶ್ಚಯೇ ।
ನ್ಯಾಯೇ ಚ ಚತುರಧ್ಯಾಯೇ
ಧೀಯೇ ಕಾಯ ವಿಶುದ್ಧಯೇ ।।
ಷಡ್ವಾರಂ ವ್ಯಾಸ ರಾಜೇಂದು
ಮುಖಚ್ರುತ್ವಾ ವಿಶೇಷತಃ ।
ಮಧ್ವಶಾಸ್ತ್ರಾರ್ಥಸಾರಂ ತು
ವ್ಯಾಚಾಕ್ಷಾಣಾಂ ನಿಜಾನ್ಪ್ರತಿ ।।
ನವಕೃತ್ವೋ ನ್ಯಾಯಸುಧಾಂ
ವ್ಯಾಸತೀರ್ಥ ಪಯೋನಿಧೇ: ।
ಉಧೃತ್ಯ ಪೀತವಂತಂ ಚ
ನಾಕೀಂದ್ರಮಿವ ಸನ್ನುತಮ್ ।।
ಖಗೇಂದ್ರಸ್ಕಂದಮಾರೂಢಂ
ಉಪಗೂಢಂ ಸ್ವಜಾಯಯಾ ।
ಗಾಢಂ ನಾರಾಯಣಂ ಪ್ರೌಢಂ
ಭಜಮಾನಂ ದೃಢಂ ಸದಾ ।।
ಶ್ರೀರಾಮಂ ಹನುಮತ್ಕಾಮಂ
ಕಾಮಕೋಟಿ ಮನೋರಮಮ್ ।
ಸವ್ಯಾಸಂ ರಕ್ಷಸಾಂ ಭೀಮಂ
ಸೇವಮಾನಂ ರಘೋತ್ತಮಮ್ ।।
ಉಪಾಸ್ಯ ನಾರಸಿಂಹಂ ಚ
ಸುಪಾಪೀಕೃತ ಪೀಡನಮ್ ।
ಅಪಾಸ್ಯಾ ದೂರತೋ
ಧೀರಮಪಾರ ಮಹಿಮಾಕರಮ್ ।।
ಜಯಪ್ರದಂ ಮಂತ್ರಜಾತಂ
ಜಪಂತಂ ಜಪತಾ ವರಮ್ ।
ಜಗನ್ನಾಥಂ ಜಗತ್ಯಾಂ ಚ
ನಿಗದಂತಂ ಜಗದ್ಗುರುಮ್ ।।
ಜಿತಷಡ್ವೈರಿಣಂ ಮೋದಕಾರಿಣಂ
ದೋಷ ಹಾರಿಣಮ್ ।
ಕಾರಣ ಸರ್ವ ವಿದ್ಯಾನಾಂ
ಶರಣಂ ಚರಣಂ ಜೂಷಾಮ್ ।।
ಸದಯಂ ಧೀಮಯಂ ಧ್ಯೇಯಂ
ಸುಖೋಪಾಯಂ ವಿನಿರ್ಭಯಂ ।
ಪೂತಕಾಯಂ ಗತಾಪಾಯಂ ನ
ಜೇಯಂ ವಿಗತಾಮಯಂ ।।
ಜಿತ್ವಾ ವಾದೇ ವೀರಶೈವ-
ಗುರುಂ ವಿಸ್ತೃತ ತನ್ಮಠಂ ।
ಅಪಹೃತ್ಯೇಹ ಸಂವಾಸಂ
ಕೃತವಂತಂ ಸತಾಂ ಹಿತಂ ।।
ದುರ್ವಾದ್ಯಪೇಯರಚಿತ
ಗ್ರಂಥಾರಣ್ಯ ವಿನಷ್ವನೇ ।
ಚತುಸ್ಸಂಖ್ಯಾಧಿಕ ಶತ
ಗ್ರಂಥಾಧೀನಾಂ ಪ್ರಚೋದಕಂ ।।
ಚತು: ಷಷ್ಠಿ ಕಲಾ ವಿದ್ಯಾ
ಪೂರ್ಣೋಯಮಿತಿ ವಂದಿಭಿ: ।
ರಾಜಮಾರ್ಗೇ ಘೋಷಮಾಣಂ
ಶ್ರೀಮಧ್ವಮತವರ್ಧನಂ ।।
ಸುಂದರೇ ಕುಂಭಕೋಣಾಖ್ಯೇ
ಪುರೇ ಮಂದರ ಸಂನಿಭೇ ।
ವೃಂದಾವನೇ ರಾಜಮಾನಂ
ಸೇವಕಾನಾ ಸುರದ್ರುಮಂ ।।
ಸುಮುದ್ರಂ ಚೋರ್ಧ್ವಾಪುಂಡ್ರಾಂಕಂ
ಸಮುದ್ರಂ ಸುಗಣೈರಲಂ ।
ಸುಭದ್ರಂ ವಚಸಾಂ ನಿತ್ಯಂ
ವಿನಿದ್ರಂ ವಿಕಸನ್ಮುಖಮ್ ।।
ವಾತಾತಪಾದಿಜಂ ದುಃಖಂ
ಧಿಕ್ಕುರ್ವಂತಂ ಧಿಯಾಧಿಕಮ್ ।
ತಪಂತಾಂ ಮನಸಾಂ ಮುಖ್ಯಂ
ಕುರ್ವಂತಂ ಸುಧಿಯಾ ಸುಖಂ ।।
ಸುರಧೇನೋರಿವಾನೇಕ
ಸೇವಕೇಷ್ಟೇ ಸುವರ್ಷಿಣಂ ।
ಪ್ರಪದ್ಯೇ ರಾಘವೇಂದ್ರಾರ್ಯ
ಗುರೋರಪಿ ಪರಂಗುರುಮ್ ।।
ವಿಜಯೀಂದ್ರ ಗುರು ಸ್ತೋತ್ರಂ
ತದ್ಭಕ್ತೇನ ಕೃತಂ ಹೃದಾ ।
ಯಃ ಪಠೇತ್ಸಭಯಾನ್ಮುಕ್ತ:
ಸರ್ವತ್ರ ವಿಜಯೀ ಭವೇತ್ ।।
ವಚಶ್ಶಿತುಳಸೀ ಮಾಲಾ
ಸೇತು ಮಾಧವ ನಿರ್ಮಿತಾ ।
ಗುರುಣಾ ವಿಜಯೀಂದ್ರೇಣಾ
ಧ್ರಿಯತಾಂ ಸಘ್ರುಣೇಹೃದಿ ।।